Pwede na makakuha ang mga Pilipino sang mga importante nga dokumento sang civil registry sa digital nga pamaagi matapos gin-lunsyar sang Philippine Statistics Authority ang e-certificate kahapon nga adlaw.
Paagi sa PSAHelpline.ph, pahanugutan na ang digital service kag pwede na makapangayo sang e-certificates nga may pareho nga legal authority kaangay sang tradisyonal nga PSA-issued certificates.
Dala sa mga digital nga dokumento nga pwede i-request kag ma-verify amo ang birth certificate, marriage certificate kag death certificate, amo man ang Certificate of No Marriage ukon CENOMAR.
Suno sa PSA, ang ini nga serbisyo isa ka “cryptographically secure,” nga nagakahulugan nga ini may ara sang hugot nga seguridad kag gindisenyo para sa real-time nga beripikasyon.
Sang 2023 ang kaangay sini nga serbisyo gintestingan man sa bulig sang Armed Forces of the Philippines Pension kag Gratitude Management Center kag sang Department of Foreign Affairs.
Nalab-ot ang masobra 200, 000 ka mga transaction ang na-proseso sang amo nga pilot-run nga naghatag sang kumpiyansa sa PSA nga handa na ini nga i-lunsyar publiko.
