Patay ang isa ka Engineering student matapos gina-alegar nga natiruhan sini ang iya mismo kaugalingon sa sulod sang ila balay pasado alas-3 kahapon sang hapon, Pebrero 26, sa Barangay South Fundidor, Molo, Iloilo City.
Ginkilala ang biktima kay alyas Boy, 21-anyos kag isa ka 3rd year engineering student kag isahanun man nga bata sang iya ginikanan.
Base man sa pagpang-usisa sang Bombo Radyo sa insidente, nagaisahanun lang si alyas Boy sa ila puluy-an sang natiruhan sini ang iya kaugalingon.
Sa interview sang Bombo Radyo kay Alyas Inday isa sa mga malapit sa balay sang biktima, iya ginpahayag nga wala man sila sang nabatian nga paglupok sang pusil bangud man nga may ara sang ongoing nga construction sa isa ka malapit nga balay.
Apang suno man sa iya, may nabatian sila nga isa ka matunog nya syagit halin sa balay ni Alyas Boy.
Sa subong, nagapadayun pa ang imbestigasyon sang mga awtoridad agud matumod gid ang matuod nga natabo.
