Gin-athag sang isa ka dermatologist nga ang psoriasis isa ka kondisyon sa panit nga hereditary ukon naghalin sa ginikanan kag indi makalalaton sa iban nga tawo.
Sa interview sang Bombo Radyo kay Dr. Rosita Conducta, iya ginpahayag nga indi dapat pagkahadlukan ang kaangay sini nga sakit sa panit bangud sa insakto nga pag-atipan magaayo ini.
Nagpaandaman man ini nga kun magtubo ini sa panit indi dapat pagkuhaon bangud may posibilidad ini nga mag grabe ang iritasyon kag impeksyon ilabi na kon indi mahatagan sang nagakaigo nga pag-atipan.
Gindugang pa ni Dr. Conducta nga importante nga ma-kontrol ang stress factor bangud isa ini sa nagapagrabe sang sintomas sang psoriasis.
Kun may makita nga gamay pa lang nga sintomas, mas maayo nga magpakonsulta na gilayon sa isa ka affiliated dermatologist agud malikawan ang paglala sang kondisyon.
Lakip man sa iya rekomendasyon ang pagmintinar sang balanse nga pagkaon nga may yara sang prutas kag utanon, bangud dako ang bulig sini sa lawas kag pagpanubo sang inflammation.
Importante man ang regular nga paggamit sang lotion ukon moisturizer agud malikawan ang sobrang pagkamala sang panit.
