Wala ginlimitahan sang isa ka jeepney driver halin sa Tubungan, Iloilo ang iya kaugalingon sa pag-diskubre sang iya mga ikasarang
Paagi sa nagkalain-lain nga trabaho, iya gingamit ang iya mga abilidad agud mapalapad pa ang iya ihibalo sa mga nagkalain-lain nga obra.
Sa interview sang Bombo Radyo kay Chris Salinas Plotena, isa ka driver, registered criminologist, civil service eligible, certified safety officer kun kaisa konduktor, dispatcher, kag sa masunod nga bulan matapos na sa iya public administration, iya ginpahayag nga madamo sang mga tawo ang nag-motivate sa iya agud nga mag-pursue sang nagkalain-lain nga bagay nga masarangan sini.
Suno pa sa iya nga ginapangitaan gid sini sang paagi nga mapasulod ang iya ginpangtun-an sa iya mga hilig agud magamit man sini sa pagpangita sang obra.
Ginpahayag pa sini nga wala nagapabaya ang Ginoo bangud ginaubayan gid sini ang mga tawo sa pagtuman sang ila nga mga handom sang amat-amat lang.
Nagbilin man ini sang pahanumdom sa kaangay man sini nga driver nga kun may ara sang opportunidad indi dapat magkahadlok nga mag-try agud makabulig man sa ini sa ila kaugalingon nga magsangkad.
