Tatlo ang ginbawian sang kabuhi sa natabo nga massacre sa Brgy. Baloc, Sto. Domingo, Nueva Ecija sang Sabado.
Ang mga biktima amo sanday Romulo Sangalang, 82, negosyante, kag residente sang Mabalacat, Pampanga; Theodore Sangalang, driver, residente sang Guimba, Nueva Ecija;kag kabulig nga si Rose Yuson, residente sang Brgy. Baloc, Sto. Domingo sa amo nga probinsya.
Ginpahayag nga ginsulod sang mga armado nga lalaki ang mga biktima sa ila quarters kag ginpangluthang kag ginpangbuno.
Nakit-an ang lawas sang negosyante nga may higot nga alambre sa liog kag tiil; nakagapos naman ang kamot kag may igo sang bala sa ulo ang driver; kag may mga igo man sang bala ang kabulig.
Padayon pa ang imbestigasyon sang otoridad sa amo nga hitabo.
