Ginakabig nga isa ka milestone ni Iloilo City Mayor Raisa Treñas ang ginpatigayon nga 49th High-Level Task Force on ASEAN Economic Integration sa syudad sang Iloilo.
Sa interview sang Bombo Radyo kay Joy Fantillaga-Gorzal, spokesperson ni Mayor Treñas, iya ginpahayag nga na-apresyar gid sang syudad sang Iloilo ang major international engagement nga natabo sa tunga sang nagakalain-lain nga mga pungsod nga nagpadulong diri sa syudad.
Suno pa kay Gorzal, ang pag-showcase sang ikasarang sang syudad sa pag-host sang kaangay nga meeting nagapakita lamang nga masarangan na sini nga mag-akomodar sang madamo kag kaangay man sini nga mga meetings.
Dugang pa ni Gorzal bangud sini nagpromisa ang ASEAN representatives nga iga-link ang economic community sang Iloilo sa Agoda team nga magabulig pasangkad a turismo sang syudad kag mabutang ang mga produkto sa global market.
Naga-ekspektar man ang syudad nga mas mapabaskog ang sini ang regional partnerships kag mapasangkad ang investment kag mga oppurtunida agud mahatagan man sang trabaho ang mga Ilonggo.
