Magapain ang Department of Trade and Industry (DTI) sang P2 billion pamaagi sa DTI-Small Business Corporation para sa “OFW Negosyo Fund”.
Ini nga programa sang DTI ang isa ka pautang para sa mga Overseas Filipino Worker (OFW) nga magapauli sa Pilipinas bangud sa epekto sang krisis sa iban nga pungsod, ilabi na sa gyera karun sa Middle East.
Humalin Marso 12, 2026, sarang nga makautang ang mga OFW sang kapin P30,000 tubtub P20 million nga may isa ka tuig nga grace period kag flexible nga mga terms, lakip na ang loan repayment hasta lima ka tuig kag wala sang collateral sa pautang hasta P5 million.
Suno kay DTI Secretary Cristina Roque, ang amo nga pondo ang magahatag sang pamaagi sa mga OFW nga handa nga mag-negosyo sa pungsod, ilabi na subong nga panahon sang krisis.
Sa mga maga-avail, sarang mag-apply online sa DTI-SBCorp Money App ukon sa sbcorp.gov.ph, kag sa mga Negosyo Centers sa bilog nga pungsod.
 sang P2 billion pamaagi sa DTI-Small Business Corporation para sa "OFW Negosyo Fund".){kind=link}