Pagatunan-an sang Guimaras Provincial Government kun magahatag sila sang fuel subsidy matapos ang pagtimbuok sang mga produktong petrolyo sa bilog nga pungsod.
Sa interview sang Bombo Radyo kay Guimaras Governor Lucille Nava, iya ginpahayag nga nagakinahanglan sang dako nga budget agud nga mapatuman ang paghatag sang fuel subsidy, rason nga paminsaran anay ini sang nasambit nga probinsya.
Suno pa kay Nava, ila gina-engganyo ang mga residente sang Guimaras nga ipatuman sa ila tagsa ka mga balay ang pagbuhin sa paggamit sang mga appliances kun wala man halos ginagamit.
Dugang pa niya dako gid ang apekto sang pagtaas sang presyo sang gatong, ilabi na sa ila nga mga pumulyo nga nagabyahe sakay sang mga fiberboats nga isa man sa mga apektado sang nasambit nga krisis.
