Patay ang isa ka tuig nga bata nga babaye matapos mabungguan sang dump truck sa Sitio Lasco, Barangay Lagtang, Talisay City, Cebu.
Base sa imbestigasyon, sakay ang biktima kaupod ang iya iloy sa motorsiklo nga ginamaneho sang amay sang bata.
Ginpahayag nga sang nag-andar ang dump truck, wala nakit-an sang driver nga may nagadalagan nga motorsiklo sa kilid.
Didto na nagsagaid ang truck sa motorsiklo kag natumba ini nga nagresulta sa pagtabog sang bata kag nagtupa sa idalom sang truck kag nabungguan gid.
Nag-angkon sang pilas sa ulo ang bata nga ginhingagaw pa dala sa ospital apang gindeklarar nga dead on arrival.
Gindakop naman ang driver sang truck kag nagapangatubang sang kaso nga reckless imprudence resulting in homicide.
