Ginbawian sang kabuhi ang isa ka hinablos matapos gintiro sang tiyo gamit ang armalite sa isa ka mosque sa Datu Odin Sinsuat (DOS), Maguindanao del Norte.
Base sa imbestigasyon, gin-bully sang 20-anyos nga biktima nga si alyas “Benzar” ang iya 31-anyos nga tiyo nga si Polo Lindongan kag ginbastos pa ang Islamic “adhan” rite sa mosque.
Nagagwa nga masami ginahikayan sang hinablos ang tiyo bangud indi sini masaulo ang periodical recital sang adhan, ang Islamic call to prayer.
Bangud nga nainsulto ang suspek, nagkuha ini sang armalite kag pagbalik sa mosque, didto na sini gintiro ang biktima.
Boluntaryo naman ini nga nagsungka sa otoridad.
Base naman sa pahayag sang mga nakakilala sa biktima, bastos kag dungol ini.
