Halos nabatok gid ang lawas sang tatlo ka tuig nga bata nga babaye nga na-trap sa sulod sang nasunog nga balay sa Cabubugan, Guimbal, Iloilo subong nga hapon, Marso 11, 2026.
Ginpahayag nga tulog ang bata sang ginlamon sang kalayo ang ila nga balay.
Suno sa mga residente, gintinguhaan pa nila nga salbaron ang bata apang bangud sa tuman ka dako na sang kalayo, wala na nila makuha ang biktima.
Sa impormasyon nga nakuha sang Bombo Radyo, nagtambong sa isa ka meeting ang iloy sang bata.
Ginaimbestigaran pa ang ginhalinan sang kalayo.
