Dako gid ang pagpasalamat ni Iloilo City Vice Mayor Lady Julie Grace “Love-Love” Baronda sa pagkilala sa iya sang Sangguniang Panlalawigan sang Iloilo nahanungod sa pag-eleher sa iya bilang Chairman sang National Movement of Young Legislators (NMYL).
Sa interview sang Bombo Radyo kay Baronda, iya ginpahayag nga dako nga butang para sa iya nga ginhatagan importansya ang nasambit nga achievement niya nga makaangkon sang mataas nga posisyon sa amo nga organisasyon.
Nahibaluan nga mangin ang Sangguniang Panlalawigan sang Antique ang nagkilala man kay Baronda bangud sa amo nga achievement.
Ang NMYL amo ang isa ka organisasyon nga may adbokasiya nga good governance, responsive legislation, kag policy development kag ginabug-usan sang elected local government officials nga nagaedad 40 panubo kalakip ang mga city kag municipal councilors, vice mayors, kag provincial board members sa bug-os nga pungsod.
.){kind=link}