No to PUV Phaseout Coalition Panay, nakulangan sa P5,000 fuel subsidy

Ginakabig sang grupo nga “No to PUV Phaseout Coalition Panay” nga tama gid ka kulang para sa mga Public Utility Vehicle (PUV) drivers ang P5,000 fuel subsidy nga igahatag sang gobyerno.

Sa interview sang Bombo Radyo kay Elmer Forro, Lead Convenor sang nasambit nga grupo, iya ginpahayag nga ang subsidiya ang magahatag lang sang bulig sa mga PUV drivers bisan pa nga apektado ang tanan sa krisis sang produktong petrolyo.

Suno sa iya, mas makabulig sa publiko ang gobyerno kun matigayon na nga masuspende ang excise tax kag E-Vat sa gatong.

Ang paghatag sang subsidy sang gobyerno ang sa tunga sang nagapadayon nga kinagamo sa Middle East nga nag-patimbuok sang presyo sang gatong.