Nakit-an na lang sa sulod sang sako kag wala na sang kabuhi ang maga-asawa sa Cabanatuan City.
Ang mga biktima amo sanday Romeo Delos Trinos, 65 kag asawa nga si Mely, 55, mga residente sang Gen. Natividad, Nueva Ecija.
Lima ka adlaw nga missing ang mga biktima antes nakit-an sa irrigation canal sang nagreklamo ang mga residente tuhoy sa malangsa nga baho kag didto na nadiskubrehan ang ila mga bangkay.
Ulihi nga nakit-an nga sakay ang mag-asawa sa ila angkar-angkar.
Narekober naman ang amo nga angkar-angkar apang wala na sang side mirror kag plaka.
Nahibaluan man nga sa Saudi Arabia nagatrabaho ang anak sang mga biktima.
