Nagpanawagan si Msgr. Meliton Oso, Director sang Jaro Arcdiosesan Social action Worker sa mga negosyante nga himuon si Kristo bilang “kapawa sang negosyo” kag indi magpasakop sa ginatawag nga gahum sang kapitalismo.
Ilabi na sa karon nga nagasaka ang presyo sang mga balaklon bangud sa pagtaas sang presyo sang gatong.
Sa iya homily kaina sang aga, ginpahayag ni Oso nga wala dapat ginpasakaan ang presyo sang produktong petrolyo bangud “old stock” pa ini.
Ini nagaresulta sang mabug-at nga palas-anon sa mga pumuluyo ilabi na ang mga imol.
Dugang pa ni Oso nga indi dapat ini pag-gamiton ang ini nga tyempo sang mga negosyante agud magpatong pa gid sang sobra nga ginansya.
Ginpahayag man niya nga may responsibilidad ang gobyerno nga i-regulate ang merkado kag indi pagbayaan ang ila papel sa pagahatag bulig sa pumuluyo.
Ginpangabay man sini sa mga negosyante nga indi lamang pag-isipon kun pila ang makita sa ila nga Negosyo kundi dapat ang kaayuhan kag bulig man sa isigkatawo.
Apisar sini, nagbilin man ini sang pahanumdom sa mga tawo nga ang tanan nga nagakatabo subong temporary lamang.
Dugang pa niya nga tanan nga kadulom sa sini nga kabuhi mada-og tanan sang Ginoo kag may ara sang paglaom sa adlaw-adlaw nga tanan bangud si Hesus ang kapawa nga magabulig sa mga tawo.
