Gin-release na sang Land Transportation Franchising and Regulatory Board (LTFRB) ang updated fare guide para sa provincial public utility buses.
Ini kasunod sang bag-o lang gin-aprubahan nga provisional fare increases nga nag-umpisa sang Sabado, Marso 14.
Ini nga updated guide nagasunod sa order nga gin-isyu sang Marso 13 nga naga-grant sang fare adjustments para sa klasipikasyon sa provincial public utility buses kag agud masiguro nga patas ukon palareho ang implementasyon sang tanan nga provincial bus operators kag sa tanan nga ruta.
“The approved adjustments have already been reflected and incorporated in the newly issued Fare Guide to ensure uniform implementation across all provincial bus operators and routes,” suno sa statement sang ahensya.
Sa idalom sang updated Fare Guide, ang air-conditioned, super deluxe, kag deluxe provincial buses ang maga-implementar sang provisional fare increase nga P0.35 per kilometer.
Ang luxury buses ang may mas mataas nga adjustment nga P0.45 per kilometer.
Sa mga nagasakay naman sa ordinary nga provincial buses, may isaka nga P1.00 sa base fare kag magadugang sang P0.30 sa kada masunod nga kilometro.
Natabo ang fare adjustment samtang nagalala ang tensyon sa Middle East kun sa diin apektado naman ang presyuhanay sang gatong sa global market.
“The LTFRB advises all provincial bus operators to strictly follow the updated Fare Guide and ensure that the approved fares are properly posted inside their units for the guidance of the riding public,” pahanumdom pa sang ahensya.
Pananglitan may makit-an nga violation ang mga pasahero, mahimo ini i-report sa LTFRB.
“Passengers are likewise encouraged to verify the correct fares based on the official Fare Guide and report any violations or overcharging incidents to the LTFRB through its official communication channels,” dugang sang regulatory board.#
 ang updated fare guide para sa mga bus.){kind=link}