Nagdiretso pa sa pagmaneho si former Calinog Mayor Salvador Divinigracia, matapos sini nga nabungguan ang isa ka 20-anyos nga lalaki sa Brgy. Pasil, New Lucena, kagab-ihun sang Marso 15.
Sa interview sang Bombo Radyo kay Plt. John Rey Laruan, Officer-in-charge sang New Lucena Municipal Police Station, iya ginpahayag nga natigayon nga madakop sang mga kapulisan si Divinigracia sa distritio sang Jaro, sa siudad sang Iloilo.
Suno sa iya, temporaryo ini nga gindala sa Pavia Municipal Police Station, apang gilayon man nga ginhalin sa pasilidad sang New Lucena MPS.
Ginpakigbahin man ni Laruan nga nagpamalibad pa si Divinigracia nga magpaidalom sa isa ka medical examination agud matumod kun ara ini sa idalom sang impluwensya sang makahulubog nga ilimnon.
Nagpahayag man ang driver suno kay Laruan nga wala sya nakahibalo nga nakabunggo na sya sang isa ka indibidwal, rason nga nagpadayun sya sa pagmaneho.
Sa subong, ginapreparar na nga igapasaka sang pamilya ni Idao ang kaso nga Reckless imprudence resulting to homicide batok kay former Calinog Mayor Salvador Divinigracia.
