Gina-engganyo sang Ilongga maritime leader nga si Christel Marie Layson ang mga kababaihan nga magkuha sang career sa maritime industry.
Si Layson ang presidente sang Women in Maritime Philippines-Western Visayas Chapter, isa ka organisasyon nga nagapromote kag nagasuporta sa kababainhan sa maritime sector.
Sa interview sang Bombo Radyo Iloilo kay Layson, iya ginpahayag nga apisar nga naandan sang mga publiko nga ang trabaho sa maritime ang para lamang sa mga lalaki, masarangan man sang mga babaye nga sudlon ini nga trabaho.
Suno kay Layson, pamatuod diri ang iya journey nga ginsuguran niya sang 2024 sang nagsulod siya sa industriya kag subong, ginauyatan na niya ang posisyon bilang Terminal Operations Officer sang Philippine Ports Authority sa Lapuz, Iloilo City.
Suno sa iya, bunga ini sang iya disiplina, determinasyon, kag pagpati sa kaugalingon nga wala sang imposible para sa mga babayi agud malab-ot ang handom.
Luyag man sini nga mangin ehemplo sa iban nga kababainhan nga indi paglimitahan ang kaugalingon kag indi magpadikta sa kun ano lang ang luyag sang sosyodad nga himuon sang mga babaye.
