Nagpasalig ang Department of Agriculture (DA) Western Visayas (WV)nga indi pa mabatyagan sa karun nga mga tinion ang kamahal sang mga nagapanguna nga mga balaklon sa merkado kadungan man sang nagatimbuok nga presyo sang produktong petrolyo.
Sa interview sang Bombo Radyo kay Maria Teresa Solis, Regional Technical Director for Operations and Extension, DA-WV, iya ginpahayag nga ang stock sa merkado sa karun ang gin-deliver pa sang nagliligad nga mga semana, rason nga indi pa mabatyagan ang pagsaka sang presyo sang mga balaklon sa merkado, ilabi na sa mga farm products pareho sang utan kag karne.
Ginpaathag man ni Solis nga kun ma-deliver na subong nga semana ang panibag-o nga stock, magasaka sang halos 10% tubtub 20% ang ginapaabot nga pagsaka sang mga balaklon sa merkado.
Nagpahanumdum man si Solis sa publiko nga magkinot sa paggamit sa gatong, amo man ang paggamit sang organic fertilizers sa mga mangunguma, agud indi ang mga ini matam-an sa gastos sa ila mga produkto.
 Western Visayas (WV)nga indi pa mabatyagan sa karun nga mga tinion ang kamahal sang mga nagapanguna nga mga balaklon sa merkado kadungan man sang nagatimbuok nga presyo sang produktong petrolyo.){kind=link}