Sa isa ka indi kinaandan nga hitabo, nag-ako si King Felipe VI sa mga pagpang-abuso nga ginhimo sang Espanya sa mga lugar nga ila ginsakop sang Spanish colonial period halin sang 1492 tubtub sang 1898.
Suno sa hari, tuyo sang Spanish colonial laws nga makahatag sang proteksyon, apang sa pagkamatuod, naglain ang dalagan sang mga hitabo kag may natabo nga mga abuso.
“When we study certain things under modern-day criteria, with our values, obviously we can’t feel proud. But we must learn from this, within its context, without too much moralising. We must learn lessons through objective and rigorous analysis,” suno sa hari.
Sa bilog nga maragtas, wala sang hitabo nga pormal nga nakapangayo sang pasaylo ang Espanya sa mga pungsod nga ila ginsakop lakip na ang Pilipinas nga nangin Spanish colony sa sulod sang 333 ka tuig.
Sang ika-16 tubtub ika-18 nga siglo, nanguna ang Espanya sa pinakadako nga mga imperyo sa sa maragtas sang kalibutan nga nagalakip sang lima ka kontinente lakip na ang Central and Latin America kun sa diin may mga natabo nga forced labor, land expropriation kag kalakasan batok sa Indigenous people.#
