Magabakal ang gobyerno sang Pilipinas sang 2 million barrels sang langis sa tunga sang nangin epekto sang gyera sa Middle East.
Suno kay Finance Secretary Frederick Go, nagapakig-istorya na ang Philippine National Oil Company Exploration Corporation (PNOC EC) sa nanuhay-tuhay nga suppliers kag ginalantaw nga may malab-ot na nga mga kasugtanan subong nga semana.
Makabulig ini suno kay Go agud nga wala na sang kahangaw-an nga magkulang pa ang suplay sa pungsod.
“PNOC EC has the resources to be able to acquire 2 million barrels of oil as a precautionary measure to add to our oil buffer stock. They’re doing a global procurement for the oil. I believe they have a lot of offers on the table,” suno kay Go.
Ang 2 million barrels nga langis ang katumbas na sang 10 ka adlaw nga fuel stock.
Magadugang ini sa current oil supply stock sang Pilipinas nga makaigo pa sa masulusobra 50 ka adlaw.
Kun may dugang nga suplay, ginalantaw man nga magahagan-hagan ang presyo sang local nga langis.
“After we acquire, we offload it. We download it to the oil companies. You can replenish the stock. When you put out a big order into the global market, the belief is you should be able to get some economies of scale and procure at lower prices,” suno pa sa tiglikom.
Kadam-an sang suplay sang langis ang ginabakal sang Pilipinas sa South Korea, Japan, Singapore kag China.
Una naman nga ginkumpirma sang gobyerno nga nakapalapit naman ini sa Russia agud magnegosyar sa posible nga supply contract para sa oil export.
Matandaan nga ginpahayag ni Energy Secretary Sharon Garin kahapon nga may sufficient fuel inventory pa sa Pilipinas nga magalawig tubtub sa Abril.#
