Magabyahe sa Iloilo City subong nga adlaw, Marso 23, ang bus units sang Vallacar Transit Inc. kadungan sang pagpatigayon sang mga transport cooperatives sang transport holiday.
Ini matapos gin-aprubahan sang Land Transportation Franchising and Regulatory Board (LTFRB) ang special permit.
“In view of the scheduled Transport Holiday, a Special Permit has been granted to Vallacar Transit Inc. to ensure continuous transportation service for the commuting public,” suno sa post sang LTFRB.
Yari ang apat ka mga ruta kun sa diin magabyahe ang Ceres Liner buses subong nga adlaw:
- Tagbak – City Proper
- Ungka – City Proper (via CPU)
- Ungka – City Proper (via Diversion)
- Mohon – City Proper
Gin-athag man sang regulatory board nga indi libre ang ila nga pagbyahe kag magasunod sila sa standard fare matrix.
Sa post sang LTFRB, ang standard fare sa nauna nga singko kilometros amo ang P13 para sa regular commuters, kag P10.50 naman para sa PWDs, estudyante, kag senior citizens.#
