Nagdangat sa 415 ka mga gasolinahan sa bilog nga Pilipinas ang temporaryo nga nagsarado subong nga adlaw sang Myerkules, bangud sa pagtaas sang presyo sang langis dala gihapon sang padayon nga tensyon sa Middle East suno sa Philippine National Police.
Pinakamataas nga numero sang mga gasolinahan nga temporaryo nga nagsarado ang yara sa Cordillera Administrative Region (CAR) nga may yara sang halos 78 ka mga gasolinahan, sunod ang Cagayan Valley, Central Luzon, Calabarzon, kag Bicol.
Suno kay PNP Chief Gen. Jose Melencio Nartatez Jr., hugot nila nga gina-monitor ang sitwasyon kag indi sang mga ini pagtugutan ang pagpamentaha sang pila ka mga negosyante sa ila konsumidor.
Kaupod man sang mga awtoridad ang Department of Energy kag iba pa nga ahensya agud bantayan ang suplay kag presyo sang gatong.
Sa karun, halos 14,000 ka mga fuel stations sa bilog nga Pilipinas ang ginabantayan gid sang mga kapulisan.
