Nagpaandam ang Department of Economy, Planning and Development (DEPDev) nga mahimo magtimbuok sa double digit ang inflation sa Pilipinas kun ang global oil prices maglab-ot na sa $200 per barrel bangud sa nagalala nga tensyon sa Middle East.
Suno sa ahensya, sa “most severe scenario” possible mag-accelerate ang inflation sa tunga sang 11.4 percent kag 14.3 percent sa bulan sang Abril.
Sa bilog nga tuig, kun indi magnubo sa $200 per barrel ang oil price, ang inflation mahimo mag-average sa 7.3 percent tubtob 8.6 percent nga lapaw sa target range sang gobyerno kag possible nga makalab-ot pa ini sa 14.3%.
Suno kay Socioeconomic Planning Secretary Arsenio Balisacan, ini nga prediksyon ang nagapakita sang vulnerability sang ekonomiya sang Pilipina sa external shocks, particularl sa energy, nga may dako nga implikasyon para sa transport costs, food prices, kag pangkabilugan nga gasto sang mga konsumidor.
Sang Pebrero, ang inflation naglab-ot sa 2.4% nga isa sa pinakamadasig nga natabo sa 13 ka bulan halin sa 2.9% sang Enero 2025, ini bangod man sang pagsaka sang presyo sang pagkaon, mga ilimnon kag mga galastuhon sa balay.
