Ginatinguhaan sang Land Transportation Franchising and Regulatory Board (LTFRB) Region 6 nga mahatag na sa mga drivers kag operators sang Western Visayas ang fuel subsidy antes pa nga matapos ang bulan sang Marso.
Sa interview sang Bombo Radyo kay LTFRB 6 Atty. Joscet Abellar, Chief of Transportation Development Office, iya ginpahayag nga ginapreparahan pa nila ang iban nga kinahanglanon nga dokumento para sa sa subsidiya halin sa Department of Transportation (DOTr), apang natigayon naman nga mapasa ang mga requirements sa Department of Social Welfare and Development (DSWD).
Suno sa iya, ang subsidiya nga igahatag sang Department of Transportation amo ang ipaagi sa E-wallet agud nga mas mapadasig ang paghatag sang subsidiya para sa mga drivers kag operators.
Dugang pa ni Abellar, madasig man nga naghatag sang mga kinahanglanon nga mga requirements ang mga beneficiaries, rason nga possible nga mabatun gid sang mga ini ang subsidiya halin sa gobyerno.
 Region 6 nga mahatag na sa mga drivers kag operators sang Western Visayas ang fuel subsidy antes pa nga matapos ang bulan sang Marso){kind=link}