Dismayado ang mga otoridad sang Iloilo City Police Station (ICPS) 2 sa mga barangay officials, amo man sa mga pumuluyo sang San Isidro, La Paz, Iloilo City matapos nga wala ang mga ini naga-coordinate sa estado sang iligal nga droga sa ila nga barangay.
Suno kay PCapt. Gimel Acuesta, hepe sang Iloilo City Police Station (ICPS) 2, wala sang may naga-report sa ila sa sitwasyon sang illegal drugs sa nasambit nga barangay.
Pahayag niya kun wala nakasa ang mga nagkalain-lain nga drug buybust operation sa barangay kun sa diin sunod-sunod man nga nadakpan ang mga drug subject, wala nahibaluan nga alarming na ang iligal nga droga sa nasambit nga barangay.
Dugang pa ni PCapt. Acuesta, personal man niya ginasekyar kag gina-monitor ang San Isidro La paz agud nga matul-id ang iban pa nga naga-engage sa illegal drugs kag malikawan ang paglapta sini.
