Iga-deploy ang kapin 350 ka mga uniformed kag non-uniformed personnel para sa security deployment sa ika-48 nga presentasyon sang Pagtaltal sa Balaan Bukid sa Jordan, Guimaras.
Suno kay PLt. Benjie Ganancial, Deputy Chief, Jordan Municipal Police Station, iya ginapahayag nga bangud sang madamo nga nagakadto sa Guimaras agud magsaka sa Balaan Bukid, kinahanglan gid nga mapasiguro ang seguridad sang mga magabisita.
Magapahamtang man sang mga ambulansya kag fire trucks ang mga otoridad agud magresponde gilayon kun may emerhensya.
Ginapasiguro man sang mga awtoridad ang mahapos kag organisado nga pagsulod sang mga deboto kag turista sa nasambit nga lugar.
