Nangin epektibo na ang pagpatuman kahapon nga adlaw, Marso 28, saang ginpapanaug nga Executive Order No. 035, Series of 2026 ni Mayor Raisa Treñas nga nagatukod sang Iloilo City Crisis Management Council.
Ini kasunod sang pagdeklara sang state of national energy emergency ni President Ferdinand Marcos, Jr sa pungsod.
Sa interview sang Bombo Radyo kay Joy Fantilaga-Gorzal, spokesperson ni Mayor Treñas, iya ginpahayag nga kabahin ini sang pagpanghanda sa epekto sang padayon nga pagsaka sang presyo sang produktong petrolyo.
Suno pa kay Gorzal, sa bulig sang nagkalain-lain nga ahensya sang gobyerno ini nga executive order magahatag sang proteksyon sa publiko ilabi na sa mga vulnerable sectors nga labi nga nagakinahanglan sang bulig sa subong nga tion.
Ginapasangkad man sini ang koordinasyon sa mga pumuluyo agud masiguro ang padayon nga supply sang essential goods pareho sang pagkaon, bulong, kag gatong.
