Nagapanukot na ang pila ka mga drivers kag operators sang fuel subsidy nga ginpasalig sang gobyerno sa pagpanguna sang Department of Transportation and Land Transportation Franchising and Regulatory Board.
Sa interview sang Bombo Radyo kay Raymundo Boyet Parcon, Chairman sang Western Visayas Transport Cooperative, iya ginpahayag nga madugay na nga preparado ang mga e-wallet sang mga drivers kag operators nga ginpahayag mangin platform agud nga mas mapadasig ang pagrelease sang subsidiya.
Suno kay Parcon, ginatinguhaan man sang ila opisina nga magpakig-angot sa LTFRB 6 nahanungod sa fuel subsidy bangud ini amo ang nagpahayag nga tinguhaan sang ila opisina nga mapalab-ot gilayon sa mga natungdan ang subsidiya antes magtakop ang bulan sang Marso.
Dugang pa niya, kinahanglanun na gid sang transport sectors ang bulig sang gobyerno ilabi na nga wala man natigayon nga mapatuman ang fare hike sa mga Public Utility Vehicles.
