Gindugukan sang madamo nga mga pasahero ang Ceres Terminal sa Distrito sang Jaro, kagab-i, Abril 1.
Ini bangud nga madamo ang nagapalauli sa ila tagsa ka mga ka probinsya subong nga Semana Santa.
Sa interview sang Bombo Radyo kay PMaj. Ryan Palaran, head sang Highway Patrol Group, iya ginpahayag nga ginapabaskog gid nila ang ila inspeksyon sa mga bus units agud masiguro ang seguridad sang mga pasahero.
Ginapatuman gid nila ang capacity limit nga 40 ka pasahero kada bus bilang kabahin sang safety measures.
Suno pa sa iya nga importante nga masunod ang amo nga regulasyon agud malikawan ang disgrasya kag masiguro ang proteksyon sang mga magapauli.
Nagpahanumdom man ang mga ini nga likawan ang overloading, bangod ini isa sa mga rason kun ngaa nagaluntad ang aksidente.
