Walo na ang patay kag halos 100 ang nasamaran matapos nga gin-atake sang pwersa sang Estados Unidos ang B-1 bridge nga naga-angot sang Tehran kag Karaj sa Iran.
Ini nga taytay ang makabig nga major infrastructure project kag malapit na lang matapos sang natabo ang pagpamomba sang US.
Sandig sa Fars/Iranian media, ang B-1 bridge amo ang pinakamataas nga taytay sa Middle East.
Gintawag man ini ni US President Donald Trump nga pinakadaku nga taytay sa Iran, nga indi na magamit matapos ang ila pagpamomba.
Sa video nga gin-post sang presidente, makit-an nga naga-aso ang taytay nga nahamtang 20 milya (35 kilometros) nabagatanan-nakatundan sang Tehran.
“The biggest bridge in Iran comes tumbling down, never to be used again — much more to follow! It is time for Iran to make a deal before it is too late, and there is nothing left of what still could become a great country,” pahayag ni Trump.
Sabat naman ni Iran foreign minister Abbas Araghchi, indi sini mapilit ang Tehran nga mag-surrender.
“Striking civilian structures, including unfinished bridges, will not compel Iranians to surrender,” suno sa opisyal.#
