Actress nga si Katrina Halili kag R&B singer nga si Kris Lawrence, nangin huring-huring ang posible “comeback” matapos nagsaulog sang semana santa nga magkaupod

Nangin huring-huring sa karun ang posible “comeback” sang actress nga si Katrina Halili kag sang R&B singer nga si Kris Lawrence, matapos ang mga ini nagsaulog sang semana santa nga magkaupod.

Makit-an sa social media post sang actress ang mga sweet moments sini kaupod si Kris kag ang ila bata nga si Katie sa El Nido nga may caption nga “Barefoot in the sand. Ocean air. No noise, no stress, just freedom in motion. This is where everything resets.”

Madamo naman sang mga netizens ang nag-react kag gin-kilig bangud sa posibilidad nga liwat nga pag-ayuhay sang duha.

Matandaan nga nangin mag-partner si Katrina kag Kris sang 2014 kag nagbulagay ang mga ini matapos ang lima ka tuig nila nga relasyon.

Wala naman sang kumpirmasyon ang duha sa ila status, apang masami na ang mga ini magkaupod sa ila mga social media post.