Nagpaandam ang isa ka legal expert nga sarang gid mapasakaan sang kaso ang mga indibidwal nga nagapakamalot sang isa ka relehiyon.
Sa interview sang Bombo Radyo kay Atty. Jonald Dorado, iya ginpaathag nga kun ang isa ka tawo ang hungod nga nagpakamalaot sang isa ka relehiyon, sarang gid ini makonsiderar nga blasphemous act nga butang nga sarang magpangatubang sang nagakaigo nga kaso.
Dugang pa ni Atty. Dorado nga sa idalum sang revised penal code sang article 133, gina penalize ang mga indibidwal nga naka-offend sang religious feeling kag ang article 132 nga naga-penelize sa nga indibidwal nga nagtuga sang kasablagan sa bisan ano nga religious rituals.
Sa amo nga mga kaso, sarang nga magpangatubang sang penalidad nga pagkapreso ang bisan sin-o nga indibidwal nga maglapas sa amo nga laye nga nagalab-ot sang 6 ka bulan tubtub 2 ka tuig.
Nagpanugyan si Atty. Dorado sa publiko nga dumilian gid ang pagpakamalot sang relehiyon sang isa ka indibidwal agud nga malikawan ang mga legal nga konsikwensya.
