Masobra 10,000 ka mga indibdiwal ang ginabulubanta nga nagpadulong sa mga beach resorts sa siudad kag probinsya sang Iloilo kahapon sang Domingo de Paskwa ukon Easter Sunday suno sa Philippine Coast Guard Iloilo Station.
Sa interview sang Bombo Radyo kay Ensign. El John Ga, Spokesperson sang nasambit nga ahensya, iya ginpahayag nga Marso 28 pa lang, naka-activate na sila sang mga Malasakit Help Desk kag Baywatch patrol sa pila ka bahin sang Iloilo.
Ini agud nga masiguro nga layo sa katalagman kag may mapalapitan gid ang mga beachgoers sa tion sang emerhensya.
Subong nga nagsugod naman ang summer season, mangin adlaw-adlaw na ang paglibot sang PCG Iloilo sa sulod sang 24 ka oras agud nga mas mahatagan sang seguridad ang mga luyag mag-enjoy sang ila nga bakasyon sa mga beach resorts sa siudad kag probinsya sang Iloilo.
