Nagnubo ang purchasing power sang piso sa nagligad nga walo ka tuig bangud sa nagataas nga inflation, nga nagdangat sa pinakamadasig sini nga pagtaas sa sulod gid lamang sang 20 ka bulan sang Marso, suno sa Philippine Statistics Authority (PSA).
Suno kay National Statistician kag PSA Chief Claire Dennis Mapa, ang balor sang P1 sang 2018 ang katumbas na lamang sang 75 sentimo subong nga Marso 2026.
Bangud sini, ang P1,000 nga balor sa nagligad nga walo ka tuig ang nagnubo sa P750.
Ang purchasing power sang piso ang gina-compute sa 1 divided by the consumer price index, multiplied by 100.
Ginalantaw nga ang madasig nga pagtaas sang inflation ang nagapanguna nga rason sang pagnubo sang balor sang piso, nga naglab-ot sa 4.1% sang bulan Marso 2026 bangud sa sunod-sunod nga mega pump price hikes dala man sang nagapadayon nga kinagamo sa Middle East.
.){kind=link}