Naghatag sang garantiya ang Iran nga paagyon sini nga hilway sa katalagman ang mga barko sa Strait of Hormuz sa sulod sang duha ka semana.
Ini samtang ginapreparar nila ang dayalogo sa Estados Unidos sang Amerika nga tapuson na ang gyera sa Middle East.
“For a period of two weeks, safe passage through the Strait of Hormuz will be possible in coordination with Iran’s Armed Forces and with due consideration of technical limitations,” suno kay Foreign Minister Abbas Araghchi sa post sini sa X.
Sa separado nga statement sang Supreme National Security Council, nagsiling ini nga posible maglawig sang duha ka semana ang ila negosasyon apang posible nga mapalawig kun may mutual agreement ang magtimbang nga partido.
Matandaan nga antes sini, ginkumpirma ni US President Donald Trump nga i-suspend sini anay ang pag-atake kag pagbomba sa Iran. Martes sang gab-i kuntani ang deadline nga ginhatag sini sa Tehran agud makignegosyar. Masulusobra isa ka oras antes ang amo nga deadline, gin-grant ni Trump ang request sang key mediator nga Pakistan nga ipaiway anay ang pagpamomba kag magpungko liwat para sa negosasyon.
“Based on conversations with Prime Minister Shehbaz Sharif and Field Marshal Asim Munir, of Pakistan, and wherein they requested that I hold off the destructive force being sent tonight to Iran, and subject to the Islamic Republic of Iran agreeing to the COMPLETE, IMMEDIATE, and SAFE OPENING of the Strait of Hormuz, I agree to suspend the bombing and attack of Iran for a period of two weeks. This will be a double sided CEASEFIRE,” suno sa statement sang US President.
Dugang sini: “The reason for doing so is that we have already met and exceeded all Military objectives, and are very far along with a definitive Agreement concerning Longterm PEACE with Iran, and PEACE in the Middle East.”
Pebrero 28, 2026 sang nagsugod ang gyera sang US, Israel, kag Iran. Kasunod sang tensyon, ginbalabagan sang Iran ang mga barko nga nagalabay sa amo nga Strait. Kritikal ini nga waterway bangud one-fifth sang suplay sang langis nga ginagamit sang kalibutan ang nagaagi diri.
Ang pagsirado sa amo nga Strait amo man ang rason kun ngaa pila ka beses nga nagpaandam si Trump nga atakehon sini ang energy infrastructure sang Tehran.#
