Tungaon pa sang operator kag driver sang tricycle ang P5,000 nga cash assistance nga ginhatag sang Department of Social Welfare and Development (DSWD) subong nga adlaw, Abril 8.
Sa interview sang Bombo Radyo kay Carlo Edis, operator sang Tricycle driver, iya ginpahayag nga ini nga cash assistance dako nga bulig sa ila nga operators amo man sa ila nga mga drivers.
Ginpahayag man sini nga nakadepende sa ila nga mga operator kun pila ang ila igahatag nga katunga sang cash assistance sa ila nga mga drivers.
Suno pa sa iya nga bangud sa mabudlay nga sitwasyon sa karon iya na lang ginaparentahan sang 130 pesos ang iya nga tricycle kag kun kaisa ginapasugtan na lang sini nga katunga na lang anay ang igabayad sang iya driver sa iya.
Dugang pa sini nga tuman ka dako ang deperensya sang kita sa karon bangud nga nagmahal na ang plete kag ang iban nga pasahero nagalakat na lang rason nga sila gid ang dako nga naapektuhan.
