Madamo sa gihapon sang nagabakal sang aloy sa Iloilo Central Market, ini apisar sa abiso nga likawan anay ang pagbakal sini bangud sa gina-alegar nga allergic reactions ukon pagpalangatol kun makakaon sang nasambit nga isda.
Sa interview sang Bombo Radyo kay Jocel De Los Reyes, isa sa mga nagabaligya sang aloy sa Iloilo Central Market, iya ginpahayag nga dako sa gihapon ang nabuhin sa banyera nga ginabaligya sini nga aloy.
Suno pa sa iya nga agud nga malikawan nga makatuga sang allergy ang aloy, importante nga butangan sang bastante nga ice ang isda agud mapabilin ang ka preska sini.
Dugang pa sini nga agud indi makatuga sang malain nga reaksyon ang isda kun kan-on kinahanglan man nga indi ini pagpadugayon kag hugasan gid sang maayo kun lutuon na.
