Bangkay na sang nasapwan ang isa ka lalaki sa pavilion sa plaza sang Leganes, Iloilo.
Suno sa inisyal nga imbestigasyon, ang biktima nakasuksok sang blue nga bayo kag itom nga dilargo.
Nasapwan na lang ini nga nagabarikutot samtang ang iya lawas may mga hanog kag ginapahayag man nga may pilas sa ulo.
May nakita man nga dugo malapit sa lugar kun sa diin ini nasapwan.
Sa interview sang Bombo Radyo kay Punong Barnagay Paul Jaen Kraft, Punong Barnagay sang nasambit nga lugar, iya ginpahayag nga ang biktima kagab-i nga ngalibot-libot sa lugar.
Samtang suno naman kay Pcapt. General Enrique Robles, hepe sang Leganes Municipal Police Station, iya ginpahayag nga may yara sang apat tubtob lima ka mga suspek nga posible may kahilabtanan sa krimen.
Padayon pa ang imbestigasyon sang mga otoridad agud makilala ang biktima kag madakpan ang mga responsable sa natabo nga krimen.
