Magapartisipar ang Gilas Pilipinas 3×3 women s team sa FIBA 3×3 World Cup Qualifier matapos makakuha ini sang silver medal sa FIBA 3×3 Asia Cup.
Ini nga hampang matabo sa katapusan sang semana sang Abril sa Singapore.
Ang team ginabug-usan nanday Afril Bernardino, Mikka Cacho, Kacey dela Rosa, kag Tantoy Ferrer.
Magaatubang bilang host ang Singapore kag Brazil sa pool stage kag kinahanglan nga makuha sang mga ini ang puwesto nga top two agud makasulod sa semifinals.
Ang isa naman ka grupo ang ginabug-usan sang Hungary, Lithuania, kag Egypt.
Kinahanglan sang Pilipinas nga matapos sa top three overall agud makasulod sa FIBA 3×3 World Cup, kun sa diin ang women s team ang ulihi nga nakapartisipar sang tuig 2018.
Gindayaw naman ni SBP President Ricky Vargas ang koponan sa ila performance kag nagsiling nga ang ila abilidad kag passion nagahatag sang dako nga bulig sa nagapadulong nga 2028 Los Angeles Olympics.
Dugang pa sang SBP Program Director nga si Ryan Gregorio nga ang women s team nangin medal contender, samtang ang men s team, nga nakalab-ot sa quarterfinals, nagpakita sang potensyal sa ila una nga torneo bilang isa ka koponan.
