Nagpaguwa sang statement si former President kag Pampanga Rep. Gloria Macapagal Arroyo nga nagapanginwala sang mga alegasyon nga nagaangot sa iya sa pagsipa kay House Speaker Bojie Dy.
“I categorically deny the allegations concerning the supposed ouster of Speaker Bojie Dy that surfaced yesterday,” suno kay Arroyo.
“I reaffirm my confidence in his leadership of the House of Representatives. Our mutual support, which began many years ago with his late father, remains unbroken,” pahayag pa sini.
Ang statement ni Arroyo ang kasunod sang reports nga nagguwa subong nga semana nga may ginaluto nga kudeta sa Kamara antes pa man ang hearing sang House Committee on Justice kaangot sa impeachment complaints batok kay Vice President Sara Duterte.
Ginbati-bati sa mga espekulasyon nga may nagatuyo nga ibalik si Arroyo bilang House Speaker agud nga mapunggan ang impeachment proceedings batok sa bise presidente.
May sources nga una nagsiling nga manubo ang tyansa nga sa kudeta bangud padayon ang suporta sang majority bloc kay Dy.
May 318 ka mga myembro ang Kamara kag kinahanglan nga makuha ang boto sang mayorya antes maka-eleher sang bag-o nga Speaker sa lower chamber sang Kongreso.
Matandaan nga nakapungko anay si Arroyo bilang Speaker sang 2018 matapos ang kudeta batok kay former Davao del Norte Rep. Pantaleon Alvarez.
