Liwat nga igapatawag sang Local Economic Enterprises Office (LEEO) ang mga bolantero sa Iloilo Terminal Market sa masunod nga semana agud ma-review kag indi na masulit ang natabo nga kinagamo sang nagligad nga Abril 10.
Suno sa plano sang opisina, magapatigayon sila kaupod ang mga boluntero sang isa ka meeting nga may yara sang klaro nga agenda kun sa diin magahimo sang mapa sang deployment sa mga bolantero.
Sa interview sang Bombo Radyo kay Maricel Mabaquiao, head sang Local Economic Enterprises Office, iya ginpahayag nga may ara na sang na-set nga adlaw nga ginhatag sa mga bulantero kag kinahanglan nga balanse lang sa tunga sang mga ini kag sa mga nagabligya sa sulod.
Ini agud agud masiguro ang kahilwayan kag kaayuhan sang tanan sa masunod nga mga inadlaw kag malikawan ang pag-inaway sa tunga sang mga ini.
Gindugang pa ni Mabaquiao nga ila ginapa-intindi sa mga naga-bolantero nga may ara sang regulasyon nga ginasunod kag kinahanglan nga sundon ini agud nga mangin maayo ang sitwasyon nila sa nasambit nga mercado.
