Posible nga indi na magbalik sa P60 kada litro nga presyo sang gatong suno sa Department of Energy (DOE).
Suno kay Energy Secretary Sharon Garin, bisan pa magnubo ang presyo sang fuel, indi ini pareho kadasig sang nagligad nga pagsaka bangud sa structural damage sa oil facilities dala man sang kinagamo sa Middle East.
Bangud sini, dako gid ang posibilidad nga indi na magbalik sa P60 kada litro ang presyo sang fuel ilabi na ang diesel.
Nahibaluan nga ginbomba ang Pars gas field sa Iran nga nagresulta sa pagkaguba sang refinery kag gas tanks, nga nakaapekto sa global supply.
Ginpahayag nga ang ini nga sitwasyon ang mahimo magdugay, gani padayon nga may epekto sa presyo sang petrolyo sa bilog nga kalibutan.
.){kind=link}