Liwat nga nagpadulong si Department of Public Works and Highways (DPWH) Secretary Vince Dizon sa Iloilo agud nga bisitahun kontrobersyal nga Aganan Flyover sa banwa sang Pavia agud mapasiguro nga mapadasig ang nagapadayun nga konstruksyon sini.
Sa interview sang Bombo Radyo kay Dizon, iya ginpahayag nga ini ang santo sa mandato ni President Ferdinand Marcos Jr. nga mas mapasangkad ang pagkay-o sang nasambit nga dalan agud nga mas mapaayo ang dalagan sang trapiko subong nga tuman ka mahal ang gatong.
Nagpangayo man ini sang pasaylo sa mga residente nga apektado sang construction activities sang Aganan flyover.
Naghatag man ini sa District Engineer sang tatlo ka bulan agud matapos ang duha na ka tuig nga wala mahuman nga dalan sa Timawa.
Nahibaluan nga naghatag man sang promisa ang DPWH 6 sa tiglikom nga matapos na ang Buhang flyover sa katapusan sang Abril ukon Mayo, samtang possible naman nga matapos ang south bound lane sa Disyembre kag Pebrero sa tuig 2027 naman sa North Bound Lane.
Dugang man ni Sec. Dizon, padayon sya nga magabalik-balik sa siudad sang Iloilo tubtob matapos na ang mga nasambit nga proyekto.
 Secretary Vince Dizon sa Iloilo agud nga bisitahun kontrobersyal nga Aganan Flyover sa banwa sang Pavia agud mapasiguro nga mapadasig ang nagapadayun nga konstruksyon sini){kind=link}