Nagpanugyan sa publiko si Former Senate President Franklin Drilon nga sundon gid ang mga ordinansa nga ginapatuman sang Iloilo City Government sa mga mercado sang siudad.
Ini matapos ang nagluntad nga ginamo sa tunga sang mga bolantero kag Local Economic Enterprise Office (LEEO).
Suno kay Drilon, nakahibalo sya sa mga hitabo kag concerns sang mga bolantero sa Iloilo Terminal Market kag nagpahayag nga agud malikawan ang kaangay nga mga insidente, kinahanglan nga sundon gid ang mga patakaran agud nga mas mangin progresibo man ang siudad.
Madumduman nga naglibot ang anay senador sa Iloilo Central kag Terminal Market kahapon nga adlaw, Abril 14 kun sa diin kaupod sini si Iloilo City Councilor Miguel Treñas kag Iloilo City Mayor Raisa Treñas.
