Kumpiyansa si Filipino boxing legend Manny Pacquiao nga “100%” nga madayon ang iya rematch batok kay Floyd Mayweather Jr. sa Setyembre 19, 2027 sa Las Vegas, Nevada.
Ini apisar sa pahayag ni Mayweather nga indi pa pinal ang detalye sang ila pag-away kag posible isa lamang ini ka exhibition.
Gin-athag ni Pacquiao nga indi exhibition ang matabo sa tunga nila ni Mayweather kun sa diin may pirmado nga kasugtanan nga nagapamatuod nga professional fight ini.
Suno kay Mayweather, wala pa sang klaro ang lugar kag iban pa nga detalye sang event.
Apang suno kay Pacquiao, indi pwede nga indi ini madayon bangud may kontrata na ini kag nabaton na nila ang ila advance nga bayad.
Nahibaluan nga ang ulihi nga pag-atubangay sang duwa ang natabo pa sa tuig 2015 nga ginakonsiderar bilang isa sa pinakadako nga boxing fight sa kasaysayan, kun sa diin nagdaog si Mayweather paagi sa unanimous decision.
Suno sa kampo ni Pacquiao, nagalapas sa kontrata ang mga pahayag ni Mayweather, apang padayon ang negosasyon kag nagapabilin sila nga kumpiyansa nga matigayon gihapon ang maabot nga pag-atubangay sini sa ring.
Padayon naman ang paglaum sang kampo ni Pacquiao nga matigayon ang ginahulat nga rematch sang duha ka boxing legends.
