Pilason ang tatlo ka mga indibidwal matapos nagtiruhay ang duwa ka security aide sang isa ka alkalde sa Brgy. Buton, Hadji Mohammad Ajul, Basilan.
Isa sa napilasan amo si Majid Dalagan Mohammad, 33-anyos, isa ka MILF member kag security aide ni Hadji Mohammad Ajul Vice Mayor Tirmiji Bashir Yusuf.
Pilason man ang 19-anyos nga estudyante nga si Nuraima Hairal Lamla kag ang isa ka municipal employee nga si Jimmy Sali, 51-anyos.
Base sa imbestigasyon, nagbaisay ang duha ka security aide ni Hadji Mohammad Ajul Mayor Talib Pawaki nga pareho nga miyembro sang MILF.
Hinali lang nga nagtayaay sila sang pusil kag nagtiruhay nga nagresulta sa pagkaigo sang tatlo ka mga biktima nga ginpangdala man gilayon sa ospital.
Pareho nga nalagyo ang mga security aides kag padayon nga ginapangita subong sang otoridad.
