Ginreklamo sang isa ka 23-anyos nga police trainee ang isa ka 41-anyos nga police training instructor bangud sa ginaalegar pagpanghimulos.
Suno sa police trainee, duwa ka beses natabo ang paghimulos sa iya sa sulod sang barracks sang PNP Training Center sa Teacher’s Camp, Baguio City.
Gin-alegar sang tagreklamo nga ginhimo sang training instructor ang paghimulos sa iya sang Enero 20 kag Pebrero 8 subong nga tuig.
Pamilyado ang suspek nga residente sang La Union.
Napaidalom subong sa restrictive custody ang nasambit nga pulis nga ginreklamo.
Padayon naman ang pagproseso sang pagpasaka sang pormal nga panumbungon batok sa suspek.
