Patay ang isa ka 15-anyos nga solterito matapos gin-gulgulan sang liog sa Brgy. Guiljungan, Cauayan, Negros Occidental.
Base sa imbestigasyon, nagapauli na ang biktima upod sa iya mga abyan sang ginsundan sila sang duha ka mga suspek nga ila nakaaway sa basketbol.
Hinali lang nga ginpangbuno sang mga suspek ang grupo sang biktima.
Nakapalagyo ang iban nga mga abyan sang biktima apang sa malain nga palad, nabun-an naman siya.
May isa man ka abyan sang biktima ang nabun-an apang nakapalagyo.
Wala pa nakontento ang mga suspek kag gin-gulgulan pa nila sang liog ang biktima.
Natigayon naman nga madakpan sang kapulisan ang isa sa mga suspek samtang at-large naman ang iban pa.
Kaso nga murder kag frustrated murder ang ipasaka batok sa mga suspek.
