Nagpagwa na ang International Criminal Police Organization (Interpol) sang Red Notice batok sa gambling tycoon nga si Atong Ang.
Suno kay Department of the Interior and Local Government (DILG) Secretary Jonvic Remulla, na-isyu ang red notice, apang sa ila pinaka-ulihi nga monitoring, nakit-an si Ang nga diri lang sa Pilipinas.
Ang Interpol red notice amo ang ginahatag nga pahibalo sa tanan nga law enforcement agencies sa bilog nga kalibutan agud nga makit-an kag ma-aresto ang isa ka tawo nga pending para sa extradition ukon ginapadakop sang isa ka state.
Gin-request anay sang Criminal Investigation and Detection Group (CIDG) ang red notice sang Enero kasunod sang pagpagwa sang korte sang arrest warrant batok kay Ang kag sa 20 ka iban pa.
Siya ang ginaalegar nga mastermind sa pag-kidnap kag pagpatay sa mga sabungeros ukon mga manugbulang nga ginapahayag nga ginpangtagbong sa Taal Lake.
Nahibaluan nga nagdangat na sa P20-million ang padya sa sin-o man nga makahatag sang impormasyon para maaresto si Ang.
 sang Red Notice batok sa gambling tycoon nga si Atong Ang.){kind=link}